Banka Qendrore e Kosovës – Zyrtar ligjor

SHPALLJE PËR VEND TË LIRË TË PUNËS

Titulli: Zyrtar ligjor

Departamenti: Juridik

Grada: 6 

Raporton tek: Drejtorit të departamentit juridik

Përshkrim i detyrave dhe përgjegjësive:

  • Asiston në përmbushjen e detyrave të përgjithshme të Departamentit Juridik;
  • Merr pjesë në hartimin, plotësimin dhe ndryshimin e instrumenteve rregullatore, brenda përgjegjësive të Bankës Qendrore;
  • Siguron që korniza rregullative e Bankës Qendrore është në pajtim me ligjet, rregulloret, rregullat dhe politikat e procedurat relevante si dhe me standardet më të mira ndërkombëtare dhe direktivat e Bashkimit Evropian;
  • Sipas autorizimit, përfaqëson dhe mbron interesat e Bankës Qendrore para gjykatave dhe institucioneve tjera përkatëse;
  • Shqyrton nga aspekti juridik masat administrative të ndërmarra ndaj institucioneve financiare;
  • Bën përpilimin e dokumenteve/korrespondencave ligjore;
  • Ndërmerr veprime ligjore brenda autorizimeve dhe përgjegjësive të deleguara;
  • Sipas autorizimit, merr pjesë në grupe punuese brenda dhe jashtë Bankës Qendrore;
  • Përgatitë raporte dhe evidenca lidhur me kryerjen e punëve brenda përgjegjësive të Departamentit Juridik;
  • Detyra tjera siç përcaktohen nga mbikëqyrësi.

Njohuritë e kërkuara:

  • Diplomë universitare, Fakulteti Juridik;
  • Njohje e ligjeve të aplikueshme në Republikën e Kosovës me theks të veçantë të legjislacionit që zbatohet ndaj institucioneve financiare;
  • Njohje e legjislacionit të Bashkimit Evropian në fushat e lartcekura;
  • Njohuri dhe përvojë në hartimin, harmonizimin e legjislacionit dhe akteve tjera juridike;
  • Shkathtësi hulumtuese, analitike, vlerësuese dhe formulim të rekomandimeve dhe këshillave profesionale;
  • Njohja e gjuhës shqipe dhe/apo serbe, e preferuar njohja e gjuhës angleze;
  • Aftësi për përmbushje të detyrave dhe punëve nën presion;
  • Njohje e punës me kompjuter;
  • Vëmendje në detaje, në formulime të qarta dhe saktësi;
  • Aftësi komunikuese në të shkruar si dhe aftësi për zgjidhjen e problemeve sipas prioriteteve;
  • Vetiniciativë dhe gatishmëri për punë ekipore;
  • Ruajtja e fshehtësisë afariste.

Përvoja e kërkuar:

  • Minimum dy (2) vite përvojë pune profesionale në fushën juridike;

Të gjithë kandidatët duhet të dërgojnë dokumentet e mëposhtme:

  • Formularin zyrtar të BQK-së për aplikim;
  • Letrën përcjellëse (motivuese) ku theksohet interesimi për këtë pozitë;
  • Dëshmi mbi përvojën e punës të lëshuar nga institucioni/organizata kompetente e mbështetur me dëshmi nga Trust apo ATK;
  • Kopjet e diplomave, ndërsa diplomat e fituara jashtë Republikës së Kosovës duhet të jenë të njohura /nostrifikuara zyrtarisht nga ana e MASHT-it;
  • Dëshmi mbi identitetin dhe vendbanimin e përhershëm në Kosovë.

Procedura e aplikimit:

  • Afati i fundit për aplikim është 16 mars 2020.
  • Aplikimi mund të bëhet online (https://hris.bqk-kos.org) përmes faqes zyrtare të BQK-së ose përmes arkivit të BQK-së , nr.22. Asnjë formë tjetër e aplikimit nuk do të merret parasysh.
  • Formën e aplikacionit mund ta shkarkoni përmes faqes zyrtare : http://www.bqk-kos.org
  • Dokumentacionet e pakompletuara nuk do të merren parasysh.